Stutt verkefni sem skila miklum árangri

Dæmigert áhlaup með hönnunarspretti hjá Kolibri tekur um 3-4 vikur. Á þessum tíma náum við að kortleggja þarfir og óskir viðskiptavina, kalla fram fjöldann allan af hugmyndum, velja bestu hugmyndina til að vinna með og hanna lifandi, trúverðuga frumgerð. Við byggjum á hönnunarhugsun (e. design thinking) og viðurkenndum aðferðum sem eru þekktar fyrir að skila mælanlegum árangri, nýsköpun og betri þjónustuupplifun.

Meira en bara þarfagreining

Með hönnunarspretti taka flókin eða óljós verkefni á sig einfalda og skýra mynd. Við eigum milliliðalaust samtal við notendur og hagaðila til að skilja þarfir þeirra, óskir og áskoranir. Við leysum sköpunargáfu allra úr læðingi í skemmtilegri vinnustofu þar sem við leggjum línur að lausn og veljum bestu hugmyndina af mörgum góðum. Næst hönnum við frumgerð í fullum gæðum sem hægt er að prófa á notendum, og ljúkum ferlinu með kynningu, demo og ráðleggingum um næstu skref.

Verkefnið þitt er í góðum höndum

Okkar reyndustu ráðgjafar á sviði vöruþróunar, hönnunar og forritunar keyra hönnunarspretti, og aldrei ein síns liðs. Ef þú vilt vinna með okkur að næstu skrefum eftir að verkinu lýkur, þá tapast engin þekking á leiðinni. Við erum sérfræðingar í hönnun, vefmálum og forritun og getum látið hlutina gerast hratt.

‍