Hjá Sky Lagoon fara saman einstök upplifunarhönnun og rík áhersla á sjálfbærni, náttúru og sögulegan arf Íslands í allri hönnun heilsulindarinnar og umhverfis hennar. Útkoman er á heimsmælikvarða eins og öll þau sem hafa heimsótt Sky Lagoon geta borið vitni um.
Það kom okkur því ekki á óvart að Sky Lagoon vildi vera í fremstu röð í stafrænni hönnun og notendaupplifun þegar vefur þeirra var annars vegar. Kolibri kom inn í samstarf margra aðila sem skiluðu í loftið nýjum vef og bókunarferli sem hefur samkvæmt öllum mælingum náð tilsettum árangri.
Sky Lagoon var með mjög skýrt markmið - að hækka hlutfall bókana frá þeim sem heimsækja vefinn þeirra með betri hönnun og notendaupplifun í bókunarferlinu. Þarna fóru saman skýr þörf viðskiptavinar og lykilstyrkleikar Kolibri á sviði stafrænnar hönnunar.
Jarðlitatónar spila stórt hlutverk í stafrænni ásýnd Sky Lagoon með vísun í einkenni íslenskrar náttúru; mildan sumarhiminn, mosann og hraunið.
Nýr vefur Sky Lagoon var hannaður og þróaður í samstarfi 5 aðila - Brandenburg, Datera, E-Cubed, Kolibri og Pursuit. Kolibri kom að borðinu með hönnun fyrir nýjan vef, viðmót og notendaupplifun. Við lögðum áherslu á fallega stafræna ásýnd, leitarvélabestun og snurðulausa notendaupplifun í öllum tegundum tækja sem auðveldar fólki að gera heimsókn í Sky Lagoon að veruleika.
