Orkusalan leitaði til Kolibri með framleiðslu á markaðsvef fyrir nýja herferð sem kallast HleðsluStuð.
Markmiðið var að vekja athygli og jákvætt umtal ásamt því aðstoða notendur við að finna hleðslustöð sem hentar þeirra þörfum.
Orkusalan er langtíma viðskiptavinur Kolibri og leggur mikinn metnað í allar sínar herferðir og markaðsefni. Við þetta tilefni var ákveðið að sérhanna og þróa markaðvef til að allt markaðsefni herferðarinnar ætti sinn heimavöll á veraldarvefnum.
Stuð einkennir Orkusöluna, herferðina, myndböndin og vefinn. Vel valdar hreyfingar sem poppa upp efnið og hress texti gera vefinn lifandi, skemmtilegan og eftirminnilegan.
Þar sem Orkusalan er raforkusali var sóttur innblástur í rafmagn og ljós við hönnun hreyfinga og hover-virkni. Smáatriði eins og blik og neistar skapa sterka tengingu við vörumerkið og veita vefnum karakter.
Tilgangur vefsins er að einfalda notendum að finna sitt hleðslustuð með skemmtilegu kvissi. Vefurinn leiðir notendur áfram að réttri hleðslustöð fyrir þeirra þarfir með stuttum en einföldum spurningum.
Loks benda niðurstöður kvissins á vefverslun Orkusölunnar þar sem notendur geta klárað kaupin og byrjað að hlaða.
Verkefnið var unnið í nánu samstarfi við Orkusöluna, BIEN og Sensor. Þegar hugmyndin fæddist, var farið beint af stað í útfærslu og vefurinn var hannaður og forritaður á mettíma.
Samstarfið við Kolibri að hleðslustuð vefnum var alveg frábært. Líkt og með svo mörg íslensk verkefni þurftu þau að hlaupa hratt en án þess að gefa afslátt á hönnun og gæðum. Og það tókst sannarlega! Við erum ótrúlega ánægð með niðurstöðuna og reyndist þetta vera lykilatriði í herferðinni.